పాట : 35 : ముందడుగేసిన నీ చొరవ నాలో మౌనాన్ని తాగింది..

పల్లవి:

అతను: కురిసింది మల్లెలజల్లు..తొలకరికో మరి తమకముకో..
బంధం గంధం నీ భావం..
ఆమె: ఎగిసింది నయనపువిల్లు..ఊహలకో మరి ఊరింతకో..
మృదులం మధురం నీ లాస్యం..


చరణం 1:

అతను: ముందడుగేసిన నీ చొరవ నాలో మౌనాన్ని తాగింది..
కనుసైగ చేసిన నీ చనువు నాలో మోహాన్ని రేపింది..
ఆమె: అచ్చమైన అందమంత వెన్నెలై విరిసింది..
ముత్యమంత ముద్దులోన విరహమంత తీరింది..
అతను: అఖిలం అరుణం నీ వదనం..
కవనం కెరటం నా సంగీతం..                            //ఎగిసింది//

చరణం 2:

ఆమె: మధువనిలో రాధనవనా నువ్వే శ్రీకరుడివనుకుంటే..
వనవాసపు సీతనేనవనా నువ్వే రాఘవుడివనుకుంటే..
అతను:నిన్నలేని ఆనందమంతా కోయిలై పాడింది
ఇన్నినాళ్ళ మురిపెమంతా వెల్లువై పొంగింది..
ఆమె: అధరం అందం నీ సొంతం..తరుణం భ్రమరం నీ ఆరాటం..     //కురిసింది//