పాట : 20 : వియోగాల చెరనుండీ విడుదలెన్నడో..

Good Afternoon Friends..My Solo Sad Song for Today..

పల్లవి:

వియోగాల చెరనుండీ విడుదలెన్నడో..
విరహమైన రాతిరికి వేడుకెన్నడో..
వివరించలేని దిగులు రేయీపగలూ
ఏమని పాడను నా వేదనను..
ఎలా వినిపించను ఆవేదనను..

చరణం 1:
వెన్నెలై కాటేస్తూ కలౌ దరిచేరే మార్గం చెప్పమంటూ
శిశిరమై రాలుతున్న ఆశలు వసంతమెన్నడోనని వేగిపోతూ..
అందని జాబిల్లిలా ఆకాశంలో నీవుంటే
దిక్కుతోచని అభిసారికనై నీకోసం చూస్తుంటే..
ఏమని పాడను నా వేదనను..

చరణం 2:
చెక్కిలిపై కురుస్తున్న కన్నీరు వెల్లువై మదిలోకి జారుతుంటే..
మదిలోన చిగురించిన ఊహలు రగిలే తాపానికే ఆరిపోతుంటే..
సముద్రానికావలి తీరంలో నీవుంటే..
యుగయుగాల నిరీక్షణలో నే వేసారిపోతుంటే..
ఏమని పాడను నా వేదనను..