పాట : 8 : duet song

My duet song for Today..

పల్లవి

ఆమె: నవవసంతంలో మధుర వేణుగానం

కలకోయిల గొంతులో ప్రియ మోహనరాగం

నీదేనా..అది నీవేనా..

అతను: ఆకాశవెన్నెల్లో పరిమళ విరహనాదం

అరవిరిసిన మోములో అమృతానందమోదం

నీదేనా..అది నీవేనా..

చరణం 1. 

అతను: నీరెండ సంధ్యవెలుగుల్లో నీడై నడిచింది నీవేనా

మౌనంగా చిరుమందహాసం చేసిన రూపం నీదేనా..

ఆమె: మధురోహల దోసిళ్ళలో ముత్యాలతలంబ్రాలు నింపింది నీవేనా

వసంతరాగాల వన్నెల కోయిలకు విరహాన్ని నేర్పింది నీవేనా...

నీవేనా...నా నీవేనా

చరణం 2. 

ఆమె: నిశిరాత్రి జాబిల్లివెన్నెల్లో ప్రేమలేఖలు రాసింది నీవేనా

మగత కన్నుల కునుకుల్లో మాయచేసిన స్వప్నం నీదేనా..

అతను: తారలమ్మ కూటమిలో మరుదివ్వెను వెలిగించింది నీవేనా..

ఉవ్వెత్తిన సాగరకెరటంలో తెల్లని నురుగై మెరిసింది నీవేనా..

నీవేనా నా నీవేనా