పాట : 28 : ఏదోలా ఉంది మౌనానికి మాటలొస్తుంటే.

పల్లవి:
అతను: ఏదోలా ఉంది మౌనానికి మాటలొస్తుంటే..
వివరించాలనుంది మది మోహనమవుతుంటే..
ఆమె: ఏదోలా ఉంది చిరుగాలి కెరటమవుతుంటే..
వినిపించాలనుంది మది కోయిలవుతుంటే..

చరణం 1: 
ఆమె: చిలిపిలాహిరులవుతున్న స్వరాలు నిన్ను నే పాడుతుంటే.
వలపు చిగురులవుతున్న స్నేహాలు నువ్వు కలవై వస్తుంటే..
అతను: కన్నులు కలిపానందుకే చూపుతో తడిమేందుకే..
చేతులు చాచానందుకే చెలిమిని అందించేందుకే..
ఆమె: కలిసిన కన్నుల కోలాటాలు..
చేతులు కలిసిన సంచలనాలు మనవే......

చరణం 2: 
అతను: నిదుర కరువౌతున్న రాతురులు నువ్వు తలపుకొస్తుంటే..
తొలిపొద్దు వెన్నెలవుతున్న ఆనందాలు నిన్ను కలవరిస్తుంటే..
ఆమె: పెదవులు నవ్వాయందుకే తీయగా పలకరించేందుకే..
అడుగులు కదిపానందుకే కలిసి నీతో నడిచేందుకే..
అతను: విరిసిన పెదవుల తియ్యదనాలు..
కలిసిన అడుగుల సంతోషాలు మనవే..