Tuesday, 17 November 2015

పాట : 22 : వింటున్నా గలగలలు నీ మౌనంలోనే గమ్మత్తుగా



పల్లవి:

ఆమె: వింటున్నా గలగలలు నీ మౌనంలోనే గమ్మత్తుగా
నీ మౌనం మాటాడుతోంది నాతో సరికొత్తగా
ఏమయ్యిందో మరి..ఓ గడుసరి..
అతడు: చూస్తున్నా కళకళలు నీ కన్నుల్లోనే వింతగా
నీ చూపు వేటాడుతోంది నన్నే తొలిమత్తుగా.. 
ఏమవుతోందో మరి..ఈ తొలకరి.. 

చరణం 1: 
ఆమె: వెన్నెలబొమ్మై కరిగిపోతున్నా నీ వలపులపిలుపులు విన్నంతనే
జాజికొమ్మనై పరిమళిస్తున్నా నీ తలపునెత్తావుల మధురిమలకే
అతను: కంటున్నా మిసమిసలు నీ పెదవుల కవ్వింతల్లోనే..
వింటున్నా గుసగుసలు నీ ఊసుల గమ్మత్తుల్లోనే..
ఏమవుతోందో మరి..ఈ తొలకరి.. 

చరణం 2: 

అతను: వసంతరాగమై మురిసిపోతున్నా నీ భావములో తడిచినంతనే..
ఇంద్రధనస్సునై వెలిగిపోతున్నా నీ వర్ణాలను తాకినంతనే..
ఆమె: మనసంతా సరిగమలు..నీ ఆలాపన స్వరజతుల్లో..
తనువంతా ఘుమఘుమలు నీ ఆరాధన పులకింతల్లో..
ఏమయ్యిందో మరి..ఓ గడుసరి..

No comments:

Post a Comment