పాట : 4

పల్లవి

ఆమె:

అందించాలని ఉందో సందేశం నీకందించాలని ఉందో సందేశం అది నా అనురాగ సంకేతం అది నా అంతరంగ తరంగం అందుకో నేస్తమా.... ఆత్మీయ ప్రియతమా 

అందుకో నేస్తమా.... ఆత్మీయ ప్రియతమా

అతడు:

అందించవా చెలీ ఆ సందేశం నాకందించవా చెలీ ఆ సందేశం అది నేనెదురు చూసే సంకేతం అది నా నిరీక్ష పరీక్షా ఫలితం అందించవే నేస్తమా... ఆరవ నా ప్రాణమా అందించవే నేస్తమా... ఆరవ నా ప్రాణమా

చరణం 1

ఆమె:

మేఘాలతో పంపించనా సందేశం

జలధారగా కురిసి నిన్ను నిలువెల్లా ముంచదుగా

రాయంచతో కబురంపించనా సందేశం

ఎగిరే విలాసమై నా సంగతే మరువదుగా

అతడు:

చిలుకతో చెప్పించవా సందేశం

నీ ముద్దుమాటలతో నను మైపరపించేనుగా

కలువలతో వివరించవా సందేశం

తన రెక్కలువిప్పి నీ మనసు చూపుతుందిగా      //పంపాలనుందో//

చరణం 2

అతడు:

నీ లేతపెదవులే తాకాయనుకున్నా

చిరుగాలి అలవోకగా నను ముద్దాడిపోతుంటే

నీ చిరునవ్వుల గలగలలనుకున్నా

సెలయేరలా ఒయ్యారపు సవ్వడే చేస్తుంటే

ఆమె:

నీ శ్వాసలే సుమాలై పూచాయనుకున్నా

నా మది పరిమళమై పులకరించిపోతుంటే

నీ రాగమే అనంతమై వినిపించిందనుకున్నా

నాలో విరహం ఆకాశానికి ఎగిరిపోతుంటే           //పంపాలనుందో//